Foreign woman Arrested: गोवा हे देशी-विदेशी पर्यटकांचे आवडीचे ठिकाण आहे. त्यामुळे येथे गोव्याकडे येण्याला या पर्यटकांची पहिली पसंती असते. पण काही परदेशी पर्यटक त्यांच्या व्हिसाची मुदत संपली तरी जाण्याचे नाव घेत नाहीत. अशाच एका पर्यटक महिलेला आता हणजुणे पोलिसांनी अटक केली आहे.
ही पर्यटक महिला युगांडा या देशाची रहिवासी आहे. भारतातील व्हिसाचा कालावधी संपुनही अधिक काळ वास्तव्य केल्यावरून तिला अटक करण्यात आली आहे. हणजुणे पोलिसांनी ही कारवाई केली.
म्हापसा एसडीपीओ जिवबा दळवी यांनी दिलेल्या माहितीनुसार नॅन्टोंगो लतीफा असे या महिलेचे नाव असून ती 34 वर्षांची आहे. सध्या ती बार्देशातील हणजुणे येथे वास्तव्यास आहे. तिच्याकडील कागदपत्रांची तपासणी केली असता कागदपत्रांची मुदत संपल्याची आढळून आली. पोलिस निरीक्षक प्रशाल देसाई यांच्या देखरेखीखाली पोलिस उपनिरीक्षक स्नेहा सावळ या प्रकरणाचा तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
