तृणमूल काँग्रेसच्या दोन नेत्यांना झाली कोरोनाची लागण

राज्यसभेचे खासदार व तृणमूल काँग्रेसचे राष्ट्रीय उपाध्यक्ष लुईझीन फालेरो (Luizinho Faleiro) आणि तृणमूल काँग्रेसचे (TMC) प्रवक्ता व राज्यसभा खासदार डेरेक ओब्रायन (Derek O'Brien) यांना कोरोनाची लागण झाली आहे. ते सध्या विलगीकरणात असून त्यांनी मागील काही दिवसात त्यांच्या संपर्कात आलेल्या लोकांना कोरोना चाचणी करण्याचे आवाहन केले आहे.

ख्रिसमस दिवशी डेरेक ओब्रायन यांनी तृणमूलचे गोव्यातील नेते अ‍ॅलेक्सिओ रेजिनाल्ड यांच्याबरोबर जेवणाचा आस्वाद घेतला होता. गोव्यात सध्या प्रचाराला उधाण आले आहे. तृणमूलचा प्रचार करण्यासाठी राज्यसभा खासदार डेरेक ओब्रायन गोव्यात सर्वत्र फिरत आहेत. सभांमध्ये त्यांची मतदार व कार्यकर्त्यांशी भेट होत आहे. त्यांना मागील काही दिवसात भेटलेल्या लोकांना आता कोरोना टेस्ट करून घेणे गरजेचे झाले आहे. तृणमूलच्या दोन मोठ्या नेत्यांना कोरोना झाल्यामुळे याचा प्रचारावर कसा परिणाम होतो याकडे सर्वांचे लक्ष लागले आहे.