वाळपई येथील ‘फिनिक्स’तर्फे दोन वैमानिकांचा झाला सत्कार

वाळपई: वाळपई येथील फिनिक्स क्लबचा पंधरावा वर्धापन दिन मंगळवारी रात्री वाळपईत राणेंच्या कार्यालयात साजरा करण्यात आला.यावेळी वैमानिक मुस्कान अमिना बशीर शेख, रिचा गोवेकर (कमर्शियल पायलट ) या दोघींचा स्मृतिचिन्ह देऊन सत्कार करण्यात आला. आरोग्यमंत्री विश्वजीत राणे, पर्ये आमदार दिव्या राणे, नगरसेवक सय्यद सरफराज, विनोद हळदणकर, शराफत खान, इद्रुस शेख, ठाणेचे सरपंच नीलेश परवार, फिनिक्स संघटनेचे अध्यक्ष अब्दुल्ला खान, सुनेजा खान, माजिदा आगा, नगरसेवक सय्यद वासुयुद्दीन बुराहुद्दीन, प्रसन्ना गावस आदींची उपस्थिती होती.

शहाबुद्दीन सय्यद (मोटर स्पोर्टस् रायडर) संदेश ठाकूर (क्रिकेटर) विशाल गावकर (राष्ट्रीय योगासन खेळाडू ), संतोष गावस (आंतरराष्ट्रीय कबड्डी रेफ्री) पूर्वी नाईक (नॅशनल स्विमिंग चॅम्पियन) यांचाही सत्कार करण्यात आला. तसेच कोविड काळात योगदान दिलेल्या पत्रकार उदय सावंत, देविदास गावकर, कल्पेश गावस, मिलिंद गाडगीळ, देवेंद्र गावस, पद्माकर केळकर ,आफाक खान, इम्रान इनामदार, बी.डी.मोटे, विशाल साळगावकर यांचा सत्कार करण्यात आला. अब्दुल्ला खान यांनी प्रास्ताविक केले. अरुणा राणे यांनी आभार मानले