Goa Accidental Death : अपघाताचे आणखी 2 बळी; गोवेकरांच्या चिंतेत वाढ

गोव्यातील वाढते अपघातांचे सत्र काही केल्या थांबायचे नावच घेत नाही. आता ही बाब चिंताजनक बनली आहे. अपघाताच्या घटना जशा वाढल्या आहेत तसेच या घटनांमध्ये मृत्यू होण्याचे प्रमाणही वाढले आहे.

नुकत्याच मिळालेल्या माहितीनुसार, यात आणखी 2 अपघाती मृत्यूंची भर पडली आहे.

फोंड्यातील बोरीमध्ये एका कारची दुचाकीला जोरदार धडक बसली. या धडकेत दुचाकीस्वाराला जबर इजा झाली. त्याला ताबडतोब रुग्णालयात नेण्यात आले. मात्र त्यावेळी त्याचा उपचारादरम्यान दुर्दैवी मृत्यू झाला.

तर दुसरीकडे, सांगेतील वेळीपवाडा-भाटी येथे दुचाकीची धडक बसल्याने एकजण जखमी झाल्याची घटना घडली होती. त्या व्यक्तीचाही मृत्यू झाला आहे.

अपघातांमध्ये मृत्यू होण्याचे प्रमाण वाढले आहे.

दरम्यान, वाढत्या अपघातांवर आळा घालण्यासाठी सरकार कटिबद्ध असल्याचे मुख्यमंत्र्यांनी सांगितले. ते म्हणाले की, गोव्यातील लोक वाहन चालवताना नियम पाळत नाहीत. लोक दारू पिऊन गाडी चालवतात, बेधडक ओव्हरटेकिंग करतात. त्यामुळेच या घटना थांबण्याचे नाव घेत नाही.

पीडब्ल्यूडी, परिवहन आणि गृह विभाग या विषयावर सातत्याने बैठका घेत आहेत. अपघातांची संख्या कमी करण्याचा आमचा प्रयत्न आहे. यासाठी लोकांनीही सरकारला सहकार्य करावे, तरच आपण यावर नियंत्रण मिळवू शकतो.