Bank Robbery: खोटी ID बनवून बँकांची फसवणूक; दिल्ली आणि उत्तर प्रदेशमधील दोघांना अटक

Mapusa,Goa

म्हापसा: बँकिंग फसवणुकीवर महत्वाची कार्यवाही करताना म्हापसा पोलिसांनी मोहम्मद हसिम आणि मुश्ताक अहमद या दोन परप्रांतीयांना अटक केली आहे. या दोघांवर ग्राहकांचा खासगी डेटा चोरल्याचा आणि बँकांची लाखो रुपयांची फसवणूक केल्याचा आरोप आहे.

दिल्ली आणि उत्तर प्रदेशमधील या दोघांनी खोटी ओळखपत्रं वापरून ग्राहकांची फसवणूक केली. खोट्या साह्य आणि खात्यांशी जोडलेले मोबाईल नंबर हाताळत अनधिकृतपणे कर्जाचे अर्ज सक्षम केले.

वृत्तांनुसार या दोघांनी काही बँक अधिकारी आणि काही अज्ञात व्यक्तींशी हातमिळवणी करत डिचोली, म्हापसा, पर्वरी, पणजी अशा ठिकाणी असलेल्या खासगी बँकांचा डेटा चोरला.

हसीमने बनावट आयडीसह म्हापसा शाखेला भेट दिली तेव्हा या घोटाळ्याचा पर्दाफाश झाला, बँक कर्मचाऱ्यांनी त्वरित पोलिसांना सूचित केल्यामुळे या दोघांना अटक झाली.