Margao Accident: राज्यात अपघातांचे सत्र सुरूच! वेळ्ळीत कारच्या धडकेत दोन युवती जखमी

Margao Accident News: राज्याला जणू अपघातांचे ग्रहणच लागले आहे. मडगावमध्ये कॉलेजच्या दोन युवतींना कारची जोरदार धडक बसली. या धडकेत दोघीही जबर जखमी झाल्या आहेत.

माहितीनुसार, काल (गुरुवार) ही घटना घडली आहे. युवती त्यांच्या दुचाकीवरून जात असताना वेळ्ळी येथे समोरून येणाऱ्या बोलेरो कारने त्यांच्या दुचाकीला धडक दिली. यामध्ये दोघी जखमी झाल्या असून त्यांना उपचारासाठी दक्षिण गोवा जिल्हा रुग्णालयात दाखल करण्यात आले आहे.

शानया डिसोझा आणि शानया रॉड्रीग्स असे जखमी झालेल्या युवतींची नावे असून दोघीही बाणावलीमधील रहिवासी आहेत.

दरम्यान, या अपघातात नेमकी चूक कुणाची होती याबाबत पोलीस अधिक तपास करत आहेत. मात्र राज्यभरात वाढलेल्या अपघातांच्या घटना चिंतेची बाब बनली आहे.