Goa Railway Police: रेल्वेची केबल चोरणाऱ्या दोघांना अटक; मडगावात रेल्वे पोलिसांची कारवाई

Goa Railway Police: पणजीतील करमळी रेल्वेस्थानक येथून रेल्वेची सिग्नलिंग केबल चोरणाऱ्या दोघा चोरट्यांना रेल्वे पोलिसांनी अटक केली आहे. संतोश रमेश लमाणी आणि जाकी शाह अशी त्यांची नावे आहेत.

लमाणी आणि शाह यांनी करमळी रेल्वे कॉलनी येथून रेल्वेची सुमारे 80 मीटरची 30 कोअर सिग्निलिंग केबल चोरली होती. या दोघांना मडगाव येथून रेल्वे पोलिसांनी ताब्यात घेतले. त्यांच्याकडील मुद्देमालही जप्त केला आहे. मुंबई ते मडगाव या कोकण रेल्वे मागार्वरील करमळी हे गोव्याची राजधानी पणजीतील महत्वाचे रेल्वे स्थानक आहे.