सहकाऱ्याचा खून केल्याच्या आरोपातून 'त्या' दोघांची निर्दोष मुक्तता

मडगाव : दारूच्या नशेत झालेल्या भांडणातून कुटबण जेटीवर आपल्याच सहकाऱ्याचा गळा चिरून खून केल्याच्या आरोपातून दक्षिण गोवा अतिरिक्त सत्र न्यायालयाने पुराव्याअभावी आज त्या दोघांची निर्दोष मुक्तता केली. दक्षिण गोवा अतिरिक्त सत्र न्यायाधीश व्हिन्सेंट डिसिल्वा यांनी आज हा निकाल दिला. (Two Accused release in Kutban Jetty murder case)

निर्दोष मुक्तता केलेल्या संशयिताची नावे संतोष बाग व ज्ञानेश्वर बाग अशी असून 28 ऑगस्ट 2018 रोजी त्या दोघांनी मासेमारी (Fishing) बोटीवर काम करणाऱ्या प्रताप सिंग लाकरा ह्या 25 वर्षीय उडिशातील कामगाराचा खून (Murder) केल्याचा आरोप त्यांच्यावर होता.

संशयितांच्या वतीने एड. प्रियश मडकईकर यांनी यांनी बाजू मांडली. कुंकळ्ळीचे तत्कालीन पोलीस (Police) निरीक्षक सुदेश नाईक यांनी या प्रकरणात तपास केला होता.