मोरजी: तुये येथे विघ्नाली कुबल (२४) या नर्सवर झालेल्या चाकूहल्ला प्रकरणी आता नवनवीन माहिती समोर येत आहे. संशयित गौतम देविदास (२५) याने तिळारी परिसरात नेऊन विघ्नाली हिला मारण्याचा कट रचला होता, अशी चर्चा सुरू आहे. दरम्यान, न्यायालयाने गौतमला सात दिवसांची पोलिस कोठडी सुनावली आहे.
गौतम बेरोजगार असून त्याने विघ्नाली कुबल हिच्याशी मैत्री करण्याचा प्रयत्न केला होता. तिच्याकडून प्रतिसाद मिळत नसल्याने संतापाच्या भरात त्याने हा हल्ला केल्याचा संशय आहे. यापूर्वीही त्याने नर्सवर हल्ल्याचा प्रयत्न केल्याची माहिती समोर आली असून, त्यासंदर्भात गेल्या महिन्यात त्याच्याविरोधात पेडणे पोलिसांनी कारवाई केली होती. संशयिताकडून हल्ल्यासाठी वापरण्यात आलेला चाकू तसेच वाहन (जीए-११-एफ-4917) जप्त केले आहे.
प्रकृतीत सुधारणा
जखमी विघ्नाली कुबल हिच्यावर सध्या गोमेकॉत उपचार सुरू आहेत. तिच्यावर शस्त्रक्रिया करण्यात आली प्रकृती सुधारत आहे. तिचा जबाब नोंदवल्यानंतर हल्ल्यामागील नेमके कारण स्पष्ट होईल, असे पोलिसांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
