डिचोली: जोगड्याची-साखळी (Sanquelim) येथे घरावर भलामोठा आम्रवृक्ष कोसळून मोठ्या प्रमाणात पडझड झाली. ही घटना मंगळवारी मध्यरात्री 3 वाजण्याच्या सुमारास घडली. या घटनेत भैरव नार्वेकर यांच्या घराची मागच्या बाजूने मोठ्या प्रमाणात पडझड झाली असून बाजूच्या डॉ. शेट्ये यांच्या घराच्या छपराची काही प्रमाणात पडझड झाली.
या घटनेत एक लाखाहून अधिक रुपयांच्या मालमत्तेचे नुकसान झाले. सुदैवाने कोणतीही विपरीत घटना घडली नाही. घटनेची माहिती मिळताच डिचोली अग्निशमन दलाचे अधिकारी श्रीपाद गावस यांच्या मार्गदर्शनाखाली उपअधिकारी मुकुंद गवंडी यांच्या नेतृत्वाखालील जवानांच्या पथकाने मदतकार्य हाती घेतले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
