Curchorem: कुडचडे बाजारपेठेतील रस्त्यात रूतला ट्रक; तासभर वाहतूक कोंडी

Curchorem: राजधानी पणजीमध्ये स्मार्ट सिटीच्या कामांमुळे नागरिकांना मोठा त्रास सहन करावा लागला आहे. या कामांमुळे शहरात सहा वेळा ट्रक रस्त्यात रूतून वाहतूक कोंडीचे प्रकार घडले आहेत. असाच प्रकार आता दक्षिण गोव्यातील कुडचडे येथे झाला आहे.

कुडचडे येथे रस्त्याची तसेच ड्रेनेजची कामे सुरू आहेत. येथील बाजारपेठेतील मुख्य रस्त्यावर सकाळी साडे सहाच्या सुमारास एक मालवाहू ट्रक बुधवारी सकाळी अचानक रूतला. नगरपालिकेच्या इमारतीजवळच ट्रक रूतल्याने येथील वाहतूक त्याचा परिणाम झाला.

सकाळी फारशी रहदारी नसली तरी ट्रक काढण्यासाठी खूप कसरत करावी लागली. सुमारे तासभर हा ट्रक बाहेर काढण्याचा प्रस्ताव केला जात होता. त्यामुळे सुमारे तासभर येथील वाहतूक विस्कळीत झाली होती. येथे वाहनधारकांना वाहतूक कोंडीचा मनस्ताप सहन करावा लागला.