काणकोण : काणकोण ते बाळ्ळी पर्यंतच्या हमरस्त्यावर करमलघाटात अरूंद रस्त्यामुळे अपघाताची मालिका सुरूच आहे. बुधवारी या रस्त्यावर गुळे येथे मंगळरूहून डिचोलीला माल घेऊन जाणारा एक मालवाहू ट्रक एका लक्झरी बसला बाजू देताना आठ दिवसांपूर्वी उलटलेल्या ट्रकवर कोसळला.
आठ दिवसांपूर्वी याच ठिकाणी एक ट्रक उलटला होता. मात्र हा ट्रक अजूनही काढण्यात आलेला नाही. आधीचा ट्रक काढण्यासाठी पन्नास हजार रुपयांचा खर्च येणार आहे, त्यामुळे मालक पैशांची जमवाजमव करीत असल्याची माहिती आहे. त्यातच आणखी एक ट्रक आधीच कोसळलेल्या ट्रकवर पडल्याने आता अडचणींमध्ये भरच पडली आहे.
यापूर्वी फेब्रुवारीमध्ये करमल घाटात एका कंटेनरचा असाच अपघात झाला होता. हा कंटेनर दोन मीटर खोल दरीत कोसळला होता. यावेळी कंटेनर काढताना मडगाव-काणकोण हमरस्त्यावर वाहतूक खोळंबली होती.
करमल घाटात मडगाव-कारवार हमरस्त्यावर पिसोणे येथे मडगावहून कारवारच्या दिशेने येणारा कंटेनर दोन मीटर खोल दरीत कोसळला होता. या अपघातात चालक किरकोळ जखमी झाला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
