तिळ्या बंधू-भगिनींनी 'पिंक बूथ'वर प्रथमच बजावला मतदानाचा हक्क

वास्को: वास्को मतदार संघात तिळ्या बंधू-भगिनींनी (Triplets Siblings) पिंक बूथवर प्रथमच मतदान केले. 14 फेब्रुवारीला झालेल्या निवडणुकीत मुरगाव तालुक्यातील वास्को मतदार संघात सेंट जोसेफ हायस्कूल मधील मतदान केंद्रावर 2003 साली जन्मलेल्या दोन सख्ख्या बहिणी आणि एक भाऊ या नव मतदारांनी (New Voters) प्रथमच मतदानाचा हक्क बजावला.

यामुळे मुरगाव तालुक्यात तसेच वास्को मतदारसंघात (Vasco Constituency) एक रेकॉर्ड प्रस्थापित झाले आहे. वास्कोतील प्रसिद्ध वकील राजीव ढवळीकर यांच्या या तिळ्यांनी नुकतीच आपल्या वयाची अठरा वर्षे गाठली असून त्यांना विधानसभा 2022 निवडणुकीत (Goa Elections 2022) प्रथमच मतदान करण्याचा मान प्राप्त झाला आणि तोही 'पिंकबूथ'मध्ये. त्यानुसार काल त्यांनी वास्को मतदारसंघातील बूथ क्रमांक 11 मध्ये आपला मतदानाचा हक्क बजावला. यावेळी बूथवरील उपस्थित निर्वाचन अधिकारी जेवेंदर कौर आणि बिएलओ सुरेश परब यांनी त्यांचे स्वागत केले.