फोंडा : फर्मागुढी - फोंड्यात भाऊसाहेब बांदोडकर यांची पुण्यतिथी पाळण्यात आली. काल शुक्रवारी झालेल्या या कार्यक्रमावेळी फोंड्याचे आमदार तथा कृषिमंत्री रवी नाईक, मडकईचे आमदार तथा वीजमंत्री सुदिन ढवळीकर व इतरांनी फर्मागुढीतील भाऊसाहेब बांदोडकर यांच्या अर्धपुतळ्याला पुष्पांजली अर्पण केली.
यावेळी सुदिन ढवळीकर यांचे समर्थक तसेच ढवळीकर ट्रस्टचे मिथिल ढवळीकर व इतर, तर रवी नाईक यांच्याकडून झालेल्या आदरांजली कार्क्रमावेळी फोंडा पालिकेचे नगराध्यक्ष रितेश नाईक तसेच जिल्हा पंचायत सदस्य, माजी सरपंच, पंच सदस्य व इतर नागरिक उपस्थित होते.
यावेळी वीजमंत्री सुदिन ढवळीकर यांनी भाऊसाहेब बांदोडकर यांनी गोव्याला खऱ्या अर्थाने आर्थिक स्थैर्य देत विकासाची गंगा राज्यात आणली. भाऊसाहेब बांदोडकर यांच्यामुळेच आज गोवा प्रगतिपथावर असून त्यांनी घेतलेल्या धोरणात्मक निर्णयामुळे अनेक बाबतीत गोवा सरस ठरला असल्याचे नमूद केले.
भाऊसाहेब बांदोडकर यांच्यामुळे गोव्यात शिक्षित आणि साक्षर समाज निर्माण झाला. गोव्याच्या विकासाला चालना देणारे आणि गोमंतकीयांच्या हिताला प्राधान्य देणारे भाऊसाहेब बांदोडकर हे लोकनेते होते, त्यांचा आदर्श आज प्रत्येकाने घ्यायला हवा, असे रवी नाईक यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
