Bicholim News: कारवर कोसळले झाड; बैलासह म्हशीची सुटका

Goa Rain: गावकरवाडा-सुर्ल येथे एका डबक्यात बैल तर अन्य एका घटनेत दलदलीत म्हैस अडकली
Goa Rain: गावकरवाडा-सुर्ल येथे एका डबक्यात बैल तर अन्य एका घटनेत दलदलीत म्हैस अडकली
Bicholim Buffalo in MudDainik Gomantak

वादळी पावसाच्या तडाख्यात आज गुरुवारी डिचोलीच्‍या विविध भागात झाडांची पडझड झाली. गावठण-साखळी येथे एका मोटारगाडीवर झाड कोसळले. तर, अन्य दोन वेगवेगळ्या घटनांमध्‍ये अग्निशमन दलाच्या जवानांनी चिखलात अडकलेल्या एका बैलासह म्हशीची सुटका केली.

पहिल्‍या घटनेत झोपडी आणि मोटारगाडीची मोडतोड वगळता अन्य कोणताही अनुचित प्रकार घडला नाही. अग्निशमन दलाचे अधिकारी प्रल्हाद गावस यांच्या नेतृत्वाखालील जवानांनी मदतकार्य केले. अन्य एका घटनेत कासारपाल येथील संदीपक शाळेजवळ एक झाड रस्त्यावर कोसळले. विठ्ठल गावकर यांच्या नेतृत्वाखालील जवानांनी घटनास्थळी जाऊन मदतकार्य केले.

दरम्‍यान, गावकरवाडा-सुर्ल येथे एका डबक्यात बैल तर अन्य एका घटनेत मुस्लिमवाडा-डिचोली येथे दलदलीत म्हैस अडकली. डिचोली अग्निशमन दलाचे अधिकारी विठ्ठल गावकर यांच्या नेतृत्वाखाली जवानांनी तिची सुटका केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com