वाळपई : अनेकवेळा वादळी वाऱ्याचा फटका बसल्यामुळे सत्तरी तालुक्यातील अनेक रस्ते बंद होण्याचा प्रकार घडला. वाळपई फोंडा दरम्यानच्या कणकिरे भागात जंगली झाड पडल्यामुळे तीन तास वाहतूक ठप्प होण्याचा प्रकार घडला. त्याचप्रमाणे वाळपई होंडा मार्गावरील सालेली या ठिकाणी झाड पडल्यामुळे एक तास वाहतूक ठप्प झाली.
वाळपई फोंडा दरम्यानच्या कणकिरे भागांमध्ये जंगली झाड पडल्यामुळे वाहतूक ठप्प होण्याचा प्रकार घडला. सकाळी नऊ वाजण्याच्या सुमारास सदर झाड पडले. यामुळे कामाला जाणारे अनेक नोकर अडकून पडले होते. त्याचप्रमाणे दोन्ही बाजूने मोठ्या प्रमाणात वाहनांची रांग लागली होती. वाळपई अग्निशामक दलाच्या जवानांनी तत्काळ धाव घेऊन सदर झाड हटविले. मात्र जवळपास तीन तास वाहतूक ठप्प झाली होती. सालेली येथे झाड पडून एक तास वाहतूक ठप्प. वाळपई होंडा मार्गावर सालेली या ठिकाणी जंगली झाड पडल्यामुळे एक तास वाहतूक ठप्प होण्याचा प्रकार घडला. सदर घटना सकाळी दहा वाजण्याच्या सुमारास घडली.
कणकिरे व सालेली या ठिकाणी जंगली झाडे पडल्यामुळे वीज वाहिन्यांची मोठ्या प्रमाणात नुकसान झाले. यामुळे गुळेलीसह इतर गावातील वीज पुरवठा खंडित झाला. तसेच नगरगाव भटवाडी या ठिकाणी जंगली झाड पडल्यामुळे वीज वाहिनीचे नुकसान झाले. वीज पुरवठा खंडित झाल्याने नागरिकांची मोठी गैरसोय झाली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
