डॉम्निक डिसोझाला वाहतूक खात्याचा दणका

पणजी : धर्मांतराच्या प्रकरणात जामिनावर सुटलेल्या शिवोली येथील बिलिव्हर्स चर्चचे पास्टर डॉम्निक डिसोझा याच्या अडचणी वाढल्या आहेत.

2014 मध्ये खरेदी केलेल्या आलिशान चार चाकीचे एकूण 6.3 लाख रुपये रस्ता शुल्क भरण्यासंबंधी नोटिस वाहतूक खात्याने डिसोझाना बजावली आहे. शुल्क भरण्यासाठी एक आठवड्याची मुदत देण्यात आली असून, न भरल्यास कारवाई केली जाणार असल्याचे स्पष्ट केले आहे.