Gomantak Special Report : तृतीयपंथी बॉबी चौकशीसाठी ताब्यात; काही महिन्यांपूर्वी झाली होती तक्रार दाखल

Gomantak Special Report : अन्‍य तृतीयपंथीयांची सतावणूक, मारझोड व वाहनांची तोडफोड केल्‍याप्रकरणी तृतीयपंथी ‘बॉबी’ याला सोमवारी पर्वरी पोलिसांनी चौकशीसाठी ताब्यात घेतले. वैद्यकीय तपासणीनंतर त्याच्यावर करण्यात आलेल्या आरोपांची शहानिशा केली जाईल.

पर्वरी परिसरात भाडेपट्टीवर राहत असलेल्या व त्याच्यापासून दूर झालेल्या तृतीयपंथीयांच्या गाडीची तोडफोड केल्याप्रकरणी काही महिन्यांपूर्वी तक्रार दाखल झाली होती. ती अदखलपात्र म्हणून नोंदविण्यात आली होती. याच तक्रारीवर ही चौकशी करण्यात येत असल्याची माहिती पर्वरी पोलिस अधिकाऱ्यांनी दिली.

वर्चस्‍वासाठी करत होता बळाचा वापर

पोलिसांनी दिलेल्या माहितीनुसार, तक्रारदार व बॉबी यांच्यात पैशांच्या वाट्यावरून वाद सुरू झाल्याने त्यांनी एकमेकाच्या वाहनांची तोडफोड करण्याचे प्रकार यापूर्वी घडले होते.

बॉबी हा तृतीयपंथीयांना गोव्यात मोठमोठी आमिषे दाखवून आणत होता व त्यानंतर त्यांना इतर व्यवसायासाठी जबरदस्ती करत होता. त्याचे ऐकले नाही तर तो मारझोड करण्यापर्यंत हिंसक बनत होता.