राजधानी पणजी आणि त्याभोवतीच्या परिसरात आर्टीफिशल इन्टेलिजन्स (AI) कॅमेरे बसविण्यात आले आहे. यातून वाहतूक नियमांचे उल्लंघन करणाऱ्यांवर बारीक लक्ष ठेवत त्यांना ऑनलाईन पद्धतीने दंड ठोठावला जात आहे. कॅमेरे बसविल्यानंतर पहिल्याच महिन्यात जवळपास 6,000 जणांनी वाहतूक नियमांचे उल्लंघन केले असून, त्यांना दंडात्मक चालान देण्यात आले आहे.
1 ते 30 जून या काळात वेगमर्यादा आणि सिग्नल तोडल्याप्रकरणी ही कारवाई करण्यात आली आहे.
आर्टीफिशल इन्टेलिजन्स (AI) कॅमेऱ्यांच्या मदतीने वाहतूक नियम धाब्यावर बसवणाऱ्या वाहन चालकांवर लक्ष ठेवण्यास मदत होत आहे. जूनमध्ये वेगमर्यादेचे उल्लंघन करणाऱ्या 3,125 जणांना तर सिग्नल तोडणाऱ्या 2,852 जणांना चालान देण्यात आले आहे.
दर दिवसाला एक हजार जण वाहतूक नियमांचे उल्लंघन करत असल्याचे प्रादेशिक वाहतूक विभागाने म्हटले आहे. कोणत्या वाहतूक नियमांचे उल्लंघन केले यावर आधारितच चालान देण्यात आल्याचेही वाहतूक खात्याने म्हटले आहे.
रात्रीच्या वेळेस कोणी नाही असे समजून अनेकजण नियम पाळत नाहीत मात्र, त्यांच्यावर दंडात्मक कारवाई करण्यात आली आहे.
लोकांमध्ये जनजागृती करण्याची आवश्यकता आहे. वाहतूक नियमांचे पालन सर्वांसाठी गरजेचे असून, उल्लंघन केल्यास कारवाई देखील केली जात आहे.
रात्रीच्या वेळेस काही ठिकाणी सिग्नल बंद असतात पण पिवळ्या रंगाचा सिग्नल ब्लिंग करत असतो, अशावेळी सिग्नल तोडल्यास कारवाई केली जात नाही. मात्र, लाल सिग्नल असेल आणि तो तोडल्यास त्यावर कारवाई केली जाते. असे वाहतूक विभागाने म्हटले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.