मुंबई-गोवा महामार्गावरील खारेपाटण व वागदे येथे पाणी आल्यामुळे दोन्ही बाजूची वाहतूक ठप्प झाली आहे. वैभववाडीतील लोरे गावात शिवगंगा नदीचे पाणी रस्त्यावर आल्यामुळे वैभववाडी - फोंडाघाट वाहतूक बंद करण्यात आली आहे. कणकवली तालुक्यातील फोंडाघाट गावातील उगवाई नदीपात्रात पाण्याच्या पातळीत वाढ झाल्याने, उगवाई नदीपात्रानजीक फोंडेकरवाडीत नदीचे पाणी शिरले आहे. कणकवली तालुक्यातील खारेपाटण येथील शुक नदीच्या पात्रातील पाण्याने धोक्याची पातळी ओलांडली असून खारेपाटण शहराला पुराच्या पाण्याने वेढले आहे. चिंचवली - खारेपाटण रस्ता पाण्याखाली गेल्याने चिंचवली गावाचा संपर्कही तुटला आहे. कणकवली मधील नांदगाव परिसरात नदिचे पाणी शिरल्याने हा भाग पाण्याखाली गेल्याने नांदगाव ओटवचाही संपर्क पुन्हा एकदा तुटला आहे. (Traffic jam on Mumbai-Goa highway)
गेल्या दोन दिवसापासून राज्यात पावसाने जोरदार हजेरी लावली आहे. दरम्यान सकाळपासून सिंधुदुर्ग परिसरात मुसळधार पाऊस सुरू आहे त्यामुळे जिल्ह्यातील नदी नाल्यांच्या पाणी पातळीत मोठ्या प्रमाणात वाढ जाली आहे. अनेक ठिकाणचे जनजीवन विस्कळीत झाले असून कुडाळ तालुक्यात जोरदार पाऊस झाल्याने निर्मला नदीला पूर आला आहे. त्यामुळे 27 गावांचा संपर्क तुटला आहे. वैभववाडी तालुक्यात उगवाई नदीला पूर आल्याने लोरे पुलावरून पाणी वाहत असल्याने फोंडा कडे जाणारी वाहतूक बंद झाली आहे.
सह्याद्री पट्टच्यामध्ये पाऊस जोरदार पडत असल्याने या भागातील नदीच्या पाणी पातळीत वाढ झाली आहे. त्यामुळे मुबंई -गोवा महामार्गावर वागदे येथे पुराचे पाणी रस्त्यावर आहे. मुबई गोवा दिशेकडे जणाऱ्या दोन्ही बाजूची वाहतूक पूर्णत: बंद झाली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
