Truck Accident In Chorla: चोर्लाघाटात ट्रक कलंडल्यामुळे वाहतूक कोंडी

Truck Accident In Chorla: चोर्लाघाटात ट्रक कलंडल्याने बराच वेळ वाहतूक कोंडी झाली. त्यामुळे अनेकांना वेळेत बेळगाव किंवा गोव्याला पोचता आले नाही.

मात्र या ठिकाणी एकही पोलिस तैनात नव्हता. त्यामुळे हैद्राबादहून येणाऱ्या स्लिपरकोच गाड्या व अन्य वाहनांना घाटात खूपच अडचणींचा सामना करावा लागला.

दरम्यान, मंगळवारी गणेशोत्सवासाठी बेळगावला निघालेल्या एका कुटुंबाच्या चारचाकीला एका वळणावर बेळगावकडून येणाऱ्या ट्रकने एका बाजूने धक्का दिला. त्यामुळे त्या चारचाकीचे एका बाजूचे नुकसान झाले.

गाडी थांबवून त्यांनी आरडाओरडा गेला, पण ट्रक चालक थांबलाच नाही. अरुंद रस्ता असल्यामुळे दिवसा अवजड वाहनांवर कठोर निर्बंध घालावे, अशी मागणी होत आहे.