Shiroda News: शिरोड्यात खड्ड्यांत पाणी साचल्याने वाहतुकीला अडथळा

वाळपे-शिरोडा येथील कदंब बसस्थानकासमोरच्या हमरस्त्यावरील खड्ड्यांत पावसाचे पाणी साचल्याने वाहतुकीला त्रासदायक ठरत आहे. शिरोडा गावातून जाणाऱ्या हमरस्त्याशेजारील गटारे सार्वजनिक बांधकाम खात्याने अद्याप उपसलेली नाहीत. त्यामुळे पावसाचे पाणी थेट रस्त्यावरून व रस्त्याशेजारून वाहते.

दोन्ही बाजूनी येणाऱ्या वाहनांमुळे रस्त्याशेजारचे पाणी दुतर्फा पादचाऱ्यांच्या अंगावर उडते. संबंधित खात्‍याने या पाण्याचा निचरा योग्य दिशेने करण्यासाठी उपाययोजना करावी, अशी मागणी वाहनचालक व रहिवाशांची आहे.