Stray Cattle Issue: भटक्या गुरांचा त्रास संपेना! फोंडा-धारबांदोडा राष्ट्रीय महामार्गावर वाहतुकीला अडथळा

Stray Cattle Issue: गोव्यातील भटक्या गुरांचा काही केल्या मार्गी लागण्याचे नाव घेत नाही. फोंडा तसेच धारबांदोडा तालुक्यात येणाऱ्या राष्ट्रीय महामार्ग भटक्या गुरांनी व्यापून टाकला आहे. यामुळे वाहतुकीला अडथळा निर्माण होत असून अपघात होण्याची शक्यताही वाढली आहे.

माहितीनुसार, रस्त्यावर ही गुरे ठाण मांडून बसतात. वाहन चालकांनी कितीही हॉर्न वाजवला तरी ही गुरे जागची हलत नाहीत. यामध्ये रस्त्यावर बराच वेळ वाहनांना थांबावे लागते.

यामुळे काही महिन्यांपूर्वी मोले येथे अशा बेवारस गुरांमुळे एकाचा अपघात झाला असून त्यात त्याचा मृत्यू झाला होता.

अशा घटना वारंवार घडत असूनही सरकार याकडे म्हणावे तसे गांभीर्याने पाहत नसल्याचे मत वाहनचालकांनी आणि नागरिकांनी व्यक्त केले आहे.

फोंडा, वाळपई, सांगे, मोरजी, मडगाव अशा सर्वच ठिकाणी भटक्या गुरांची समस्या चिंतेचा विषय बनली आहे. त्यात महत्वाची गोष्ट म्हणजे, ही गुरे फक्त रस्त्यावर बसून वाहतुकीला अडथळा निर्माण करत नाहीत, तर अनेकदा वाहनांवर हल्लादेखील करतात.

गुरांच्या हल्ल्यात वाहनचालक जखमी झाल्याच्या अनेक घटनाही या आधी घडल्या आहेत. त्यामुळे सरकारने त्वरित यांचा बंदोबस्त करावा अशी मागणी जोर धरू लागली आहे.