Goa Viral Video: मौजमस्ती करण्यासाठी गोव्यात येणारे काही पर्यटक अनेकवेळा वाहतूक नियम मोडताना दिसून येतात. बऱ्याचवेळा अशा घटना समोर आल्या आहेत. संबधित घटनेचे व्हिडिओ देखील व्हायरल झालेत. पोलिसांनी संबधितांवर कारवाई देखील केलीय.
दरम्यान, अशीच एक घटना सध्या सोशल मिडियावर मोठ्या प्रमाणावर व्हायरल होत असून, त्यात काही पर्यटक रेन्ट कॅबच्या छतावर नाचताना दिसत आहेत.
समोर आलेल्या व्हिडिओनुसार, रेन्ट कॅबच्या छतावर दोन तरूण नाचताना दिसत आहेत. कारचे दोन्ही दरवाजे खुले ठेऊन दोघे छतावर नाचत आहेत, तर, कोणी तरी त्यांचा व्हिडिओ चित्रित करताना दिसत आहे. दरम्यान, याच घटनेचा व्हिडिओ येथील स्थानिकांनी देखील चित्रित केला. व्हिडिओमध्ये GA 03 AH 4948 ही महिंद्रा थार रेन्ट कॅब दिसत आहे.
व्हिडिओ समोर आल्यानंतर सध्या तो सर्वत्र व्हायरल होत आहे. पर्यटकांच्या या कृतीवर सर्व स्तरातून संतप्त प्रतिक्रिया समोर येत आहेत. लोकांनी पर्यटकांच्या कृतीचा निषेध केला आहे.
दरम्यान, हा व्हिडिओ गोव्यातील कोणत्या भागातील आहे याबाबत अधिक माहिती मिळू शकली नाही.
अशा प्रकारच्या घटना नेहमीच समोर येत असतात, राज्यात येणारे पर्यटक वाहतूक नियमांचे उल्लंघन करत विचित्र गोष्टी करताना दिसतात. कधी वाहनाच्या बाहेर येत हातवारे, नृत्य केले जाते. तसेच, कधी बीचवर पर्यटक वाहने घेऊन जातात.
त्यामुळे गोव्यात सब कुछ चलता है? अशी खोचक प्रतिक्रिया लोक देत असतात.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
