म्हापसा: समुद्राच्या जोरदार लाटांमध्ये वाहून गेल्याने अश्पाक मसाली (३२, रा. विजापूर-कर्नाटक) या पर्यटकाचा मृत्यू झाला. प्रसिद्ध पर्यटनस्थळ असलेल्या बागा समुद्रावर बुधवारी दुपारी अडीचच्या सुमारास ही दुर्घटना घडली.
घटनेनंतर तातडीने शोधमोहीम राबवण्यात आली. काही वेळानंतर अश्पाकचा मृतदेह पाण्यातून बाहेर काढण्यात आला. कळंगुट पोलिसांनी पंचनामा करून मृतदेह गोमेकॉत पाठविला आहे.
दरम्यान, या घटनेचा एक व्हिडिओ सोशल मीडियावर व्हायरल झाला असून त्यामध्ये अपघाताच्या काही क्षणांपूर्वी अश्पाक खडकावर बसलेला दिसत आहे. या घटनेनंतर समुद्रकिनाऱ्यावर पर्यटकांनी अधिक काळजी घ्यावी, असे आवाहन प्रशासनाने केले आहे.
काही क्षणांत पाण्यात झाला गायब : अश्पाक हा समुद्रकिनाऱ्यावरील खडकांवर बसला होता. तेव्हा अचानक आलेल्या जोरदार लाटेने त्याला पाण्यात ओढले आणि काही क्षणांत तो वाहून गेला. त्यावेळी त्याच्यासोबत असलेल्या मैत्रिणीने सांगितले की, घटनेपूर्वी अश्पाकने मद्यप्राशन केले होते. खडकांजवळ न जाण्याचा इशारा आपण त्याला दिला होता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
