Dona Paula Jetty: दोना पावला येथील जेटीचे नूतनीकरण गेल्या चार वर्षांपासून सुरू होते. आता काम पूर्ण झाले; परंतु उद्‍घाटनाचा पत्ताच नव्हता. अखेर मुहूर्त ठरला पर्यटनमंत्र्यांच्या वाढदिनाचा. या कार्यक्रमास मुख्यमंत्र्यांसह आमदार आणि इतर नेतेमंडळी हजर राहणार, असे ठरलेले. मात्र, सकाळी 11 चा मुहूर्त टळल्यावर अनेकांनी काढता पाय घेतला.
अखेर दीड वाजता उद्‍घाटनाची औपचारिकता पार पडली. ‘सिंघम स्पॉट’ अशी ओळख असलेली ही जेटी पाहण्यासाठी शुल्क लागू केले आहे. त्यामुळे या जेटीच्या नूतनीकरणाच्या लेखी ‘विलंबच विलंब’, अशी चर्चा कार्यक्रमस्थळी रंगली होती. पर्यटन खात्याच्या वतीने दोनापावला जेटीचे नूतनीकरण केले आहे.
प्रौढांना 50, तर मुलांना 25 रुपये शुल्क
अखेर आज पर्यटनमंत्री रोहन खंवटे यांच्या हस्ते जेटी सार्वजनिक करण्यात आली. नव्याने उद्‍घाटन केलेल्या जेटीवर पर्यटन विभागाने लावलेल्या बोर्डमध्ये प्रौढांसाठी 50 रुपये आणि 10 ते 18 वर्षे वयोगटातील मुलांसाठी 25 रुपये शुल्क नमूद केले आहे.
‘बॉलीवूड’ला आकर्षण
90 च्या दशकात गाजलेल्या ‘एक दुजे के लिए’ या चित्रपटाने ही जेटी देशभर प्रसिद्ध केली. त्यानंतर रोहित शेट्टी यांच्या ‘सिंघम’ चित्रपटातील काही दृश्ये या जेटीवर चित्रित केली आहेत. त्यामुळे पर्यटक आवडीने हा ‘सिंघम स्पॉट’ पाहण्यासाठी येतात.
स्थानिकांना शुल्क माफ
नव्याने दुरुस्त आणि नूतनीकरण केलेल्या जेटीवर शुल्क आकारण्यात येणार आहे. मात्र, हे शुल्क फक्त पर्यटकांसाठी लागू असेल आणि स्थानिकांना प्रवेश विनामूल्य असेल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
