पुंडलिक नाईक यांच्या साहित्यावर उद्या परिसंवाद

पणजी: ज्येष्ठ कोकणी साहित्यिक पुंडलिक नाईक यांच्या कथात्मक आणि नाट्यात्मक साहित्यावर परिसंवादाचे आयोजन गोवा विद्यापीठाच्या कोकणी विभागातर्फे मंगळवार दि. 15 मार्च रोजी सकाळी 10 वाजता सेमिनार सभागृहात करण्‍यात आले आहे. लेखक प्रकाश नाईक यांचे बीजभाषण होईल. तसेच कोकणी विभागप्रमुख डॉ. हनुमंत चोपडेकर यावेळी उपस्थित असतील.

पहिल्या सत्रात ‘पुंडलिक नाईक यांच्या कथेतील समाजजीवनाची अंगे’ या विषयावर साहित्यिक डॉ. प्रकाश पर्येकर भाष्य करतील.

‘पुंडलिक नाईक यांच्या कादंबरी/लघुकादंबरीचे समाजशास्त्रीय अध्ययन’ या विषयावर डॉ. अरविंद हळदणकर भाष्य करणार आहेत. या सत्राचे अध्यक्षपद कोकणी साहित्यिक देविदास कदम यांचे असेल.दुसऱ्या सत्रात ‘पुंडलिक नाईक यांच्या नाटकातले मिथक’ या विषयावर साहित्यिक प्रकाश पर्येकर भाष्य करतील. तसेच ‘पुंडलिक नाईक यांच्या नाटकातील समाज आणि दैवी संकल्पना’ या विषयावर लोकवेद संशोधक डॉ. पांडुरंग फळदेसाई आपला शोधनिबंध प्रस्तुत करणार आहेत. या सत्राचे अध्यक्षपद लोकवेद संशोधक कमलाकर म्हाळशी भूषविणारआहेत.

परिसंवादाच्या समारोप सोहळ्यात कोकणी विभागप्रमुख डॉ. हनुमंत चोपडेकर प्रमुख पाहुणे म्‍हणून तर सहयोगी प्राध्यापक डॉ. प्रकाश पर्येकर सन्माननीय अतिथी या नात्याने उपस्‍थित असतील. परिसंवादाचे मुख्य संयोजक प्रा. नरेश नाईक तसेच उपसंयोजक प्रा. गोरख सिरसाट यांचीही हजेरी असेल. गौरांग भांडिये, पल्लवी गोलतकर, काजल पार्सेकर, स्नेहा मोरजकर, आकाश गावकर आणि महिमा कवळेकर हे विद्यार्थी सत्रांचे आयोजन करतील अशी माहिती कोकणी विभागप्रमुख डॉ. हनुमंत चोपडेकर यांनी दिली.