Goa News: भारत आणि पाकिस्तानमध्ये अखेर युद्धविराम

भारत आणि पाकिस्तान यांच्यातील तणावपूर्ण संबंधांच्या पार्श्वभूमीवर एक महत्त्वपूर्ण निर्णय घेण्यात आला आहे. दोन्ही देश युद्धविरामाबाबत एकमतावर आले असून, यासंदर्भात लष्करी कारवाई थांबवण्यावर सामंजस्य करार झाला आहे, अशी माहिती परराष्ट्र मंत्री एस. जयशंकर यांनी दिली.

गुन्हा शाखेने १.६ कोटी रुपयांच्या ड्रग्जसह नायजेरियन नागरिकाला अटक केली. तेलंगणा पोलिसांकडून मिळालेल्या माहितीवरून कारवाई करत, गोवा गुन्हा शाखेने २३ वर्षीय नायजेरियन नागरिक नन्यालुगो अबासिली याला १,१२३ ग्रॅम एक्स्टेसी, ७ ग्रॅम कोकेन आणि इतर ड्रग्जसह एकूण १.६ कोटी रुपयांच्या किमतीचे ड्रग्ज बाळगल्याच्या आरोपाखाली अटक केली. सध्या विद्यार्थी व्हिसावर भारतात असलेला आरोपी आता पोलिसांच्या ताब्यात आहे.

पेडणे पोलिसांनी उदय प्रभुदेसाई आणि उगम प्रभुदेसाई यांच्याविरुद्ध एफआयआर नोंदवली तक्रारदार कोरगावच्या पंच सदस्यांना कायदेशीर कर्तव्ये पार पाडण्यापासून रोखल्याबद्दल, धमकी दिल्याबद्दल आणि लैंगिक अत्याचार केल्याचा प्रभुदेसाई यांच्यावर आरोप आहे.

बीएनएफ मायनिंग प्लांट सांगे येथे मोठी आग लागली. स्थानिकांचे म्हणणे आहे की रासायनिक कचरा आणि बॅरल सार्वजनिक ठिकाणी निष्काळजीपणे टाकल्यामुळे ही आग लागली असावी. कुडचडे येथील अग्निशमन दलाचे जवान सध्या घटनास्थळी पोहोचले आहेत आणि आग विझवण्याचा प्रयत्न करत आहेत.

पाकिस्तानला आज पहाटे भूकंपाने धक्का दिला. राष्ट्रीय भूकंपशस्त्र केंद्राकडून घटनेची पुष्टी.

लोलये येथील श्री दामोदर विद्यालयाचा विद्यार्थी अनंत जितेंद्र आमशेकर याची इस्त्रोतर्फे आयोजित जिव्हिका २०२५ मध्ये युवा वैज्ञानिक म्हणून निवड. देशभरातील ३५० युवा वैज्ञानिक या कार्यक्रमात सहभागी होणार. तिरुअनंतपुरम येथील इस्रोच्या स्पेस केंद्रात हा कार्यक्रम होणार आहे.

राष्ट्रीय पुरस्कार विजेते आणि रंगभूषाकार विक्रम गायकवाड यांचे वयाच्या ६१ व्या वर्षी निधन. मुंबईतील रुग्णालयात घेतला अखेरचा श्वास.

चोर्ला घाट जांभळीकडे या ठिकाणी काही दिवसांपूर्वी अपघातात जखमी सुर्ला सत्तरीतील सुरज भिकाजी गावकर (२७) या युवकाचा जीएमसीत उपचारा दरम्यान मृत्यू.

धारगे, तांबडीसुर्ल-साकोर्डा येथील संतोष च्यारी यांच्या घरात रात्रीच्यावेळी अचानकपणे बिबट्याने घुसून मांजरीवर हल्ला करण्याचा प्रयत्न केला. बिबट्याच्या तावडीतून मांजराने स्वतःची केली सुटका तसेच संतोष च्यारी हे देखील हल्ल्यातून सुदैवाने बचावले. बुधवारी रात्रीची घटना.

शिरगाव चेंगराचेंगरीत तथ्य शोध समितीने अहवालात तत्कालीन उत्तर गोवा एसपी, जिल्हाधिकारी आणि देवस्थान समितीला जबाबदार धरले आहे. तथ्य शोध समितीने शिरगाव चेंगराचेंगरीवरील आपला अहवाल मुख्यमंत्री डॉ. प्रमोद सावंत यांना सोपवला आहे. अहवालात म्हटले आहे की उत्तर गोव्याचे माजी एसपी अक्षत कौशल, उत्तर गोव्याचे माजी जिल्हाधिकारी स्नेहा गित्ते, देवस्थान समिती, माजी डीवायएसपी जीवबा दळवी, डिचोलीचे माजी उपजिल्हाधिकारी भीमनाथ खोरजुवेकर, डिचोलीचे माजी पीआय दिनेश गाडेकर, पंचायत आणि पंचायत सचिव हे चेंगराचेंगरीसाठी जबाबदार आहेत. सरकार आता अहवालाची तपासणी करत आहे आणि चेंगराचेंगरीसाठी जबाबदार असलेल्यांवर कारवाई होईल.

सुट्टीवर असलेल्या पोलिसांना ताबडतोब रुजू होण्याचे आदेश मिळाले आहेत.