Goa News: निराधार महिलेला मंत्री राणे स्वखर्चाने बांधून देणार नवीन घर; वाचा गोव्यातील दिवसभरातील ठळक घडामोडी

सरकारची वाट न पाहता सत्तरीत आम्ही शंभरावर गरजूंची घरे उभारुन दिली आहेत. गरजूंना तात्काळ घर उपलब्ध होण्याकडे माझा नेहमी कटाक्ष असतो. आरोग्यमंत्री विश्वजीत राणेंचे प्रतिपादन.मलपण येथे निराधार महिलेचे घर स्वखर्चाने बांधून देण्याची मंत्री राणेंची घोषणा.

धारगळ महाखाजन येथे मंगळवारी सकाळी आग लागलेल्या टॅंकरमध्ये बनावट दारु खचाखच भरलेली असतना संध्याकाळ होत आली तरी पेडणे अबकारी खात्याचा एकही अधिकारी घटनास्थळी अजून दाखल झाले नसल्याची माहिती.पोलिस घटनास्थळी हजर.‌ लोकांमध्ये वेगवेगळ्या चर्चांना ऊत.

मालपण सत्तरी येथील निराधार महिलेला आता मिळणार नवीन घर, आरोग्य मंत्री विश्वजीत राणे स्वखर्चाने बांधून देणार नवीन घर

मालपण सत्तरी येथे श्रीमती पांढरी गावकर या निराधार महिलेचे राहते घर एका बाजूचे भर पावसात कोसळले, सदर घटना शनिवारी रात्री घडली.

वाळपई शहरातील काही वीज खांब धोकादायक स्थितीत असून, कोणत्याही क्षणी कोसळण्याची शक्यता आहे. विशेषतः वाळपई पोलिस स्थानक मार्गावरील व्याघ्रेश्वर सदर इमारतीजवळील मुख्य रस्त्यावर असलेला एक वीज खांब अत्यंत वाकलेला असून, त्याच्या मुळाशी असलेली माती वाहून गेल्यामुळे तो अधिक अस्थिर झाला आहे.

कोरगाव पंचायत मधील एका महिला पंचाचा विनयभंग करूनही आज पर्यंत पोलिसांकडून संशयिताला अटक केली नाही त्यांनी,त्याला त्वरित अटक करावी,अशी मागणी कोरगाव पंचायतीने घेतलेल्या पत्रकार परिषदेत केली

सॅन फ्रान्सिस्कोहून मुंबईला जाणाऱ्या एअर इंडियाच्या विमानात तांत्रिक बिघाड झाला. मंगळवारी पहाटे कोलकाता विमानतळावर नियोजित थांब्यादरम्यान प्रवाशांना विमानातून उतरावे लागले.

काही दिवसांपूर्वीच गोवा - सोलापूर विमान सेवा सुरू झाली आहे. ह्या विमान सेवेमुळे गोव्यातून तस्करीच्या घटनांमध्ये वाढ होण्याची भिती सोलापूरच्या खासदार आणि कॉंग्रेस नेत्या प्रणिती सुशिलकुमार शिंदे यांनी माध्यमांशी बोलताना व्यक्त केली आहे‌.

पणजीत मंगळवारी सकाळपासून पाणी पुरवठा नाही. ओपा येथील पाणी उपसा केंद्रावर काल सोमवारी संध्याकाळी पणजीला पाणी पुरवठा करणारी 40 एमएलडी वाहिनी फुटली. त्याचा परिणाम आज तिसवाडी तालुक्यात काही भागातील पुरवठ्यावर दिसून आला.

प्रतापनगर- धारबांदोडा येथील युवतीच्या खून प्रकरणी संशयीताला बॅंगलोरहून घेतले ताब्यात. २४ तासात मृत युवतीची ओळख पटवून संशयीताला ताब्यात घेण्यात फोंडा पोलिसांना मोठे यश.