मनसा क्रिएशन्सतर्फे पणजीत आज आंतरराष्ट्रीय कविता दिवस

पणजी: मनसा क्रिएशन्सतर्फे सोमवार दि. 21 रोजी आंतरराष्ट्रीय कविता दिवस साजरा करण्यात येत असून , त्यानिमित्ताने मिरामार पणजी येथे "काव्योत्सव" आयोजित करण्यात आला आहे. दुपारी 2.30 वाजता काव्योत्सवाचे उद्‍घाटन होईल. त्यानंतर निमंत्रितांचे कविसंमेलन होणार आहे. इन्स्टिटयूट मिनेझिस ब्रागांझाचे अध्यक्ष, कवी, गीतकार दशरथ परब या सोहळ्याला प्रमुख पाहुणे म्हणून उपस्थित राहणार आहेत. तसेच विशेष निमंत्रित म्हणून माहिती व प्रसिद्धी संचालनालयाचे सहा.माहिती अधिकारी, श्याम गावकर उपस्थित राहणार आहेत.

गोमंतक साहित्य सेवक मंडळाचे कोषाध्यक्ष राजमोहन शेट्ये, मिरामार युथ हॉस्टेलचे संचालक अनंत जोशी यांचीही विशेष उपस्थिती असेल. उदघाटन सत्रानंतर कवी गौरीश वेर्णेकर यांच्या अध्यक्षतेखाली "काव्यरंग" कविसंमेलन होणार आहे. यात दशरथ परब, श्याम गावकर, राजमोहन शेट्ये, अनंत जोशी, राजू नाईक, जॉन आगियार, दुर्गाकुमार नावती , प्रदीप नाईक, प्रकाश क्षीरसागर, विठ्ठल शेळके, नवसो परब यांचा सहभाग असेल. त्यानंतर प्रा.पौर्णिमा केरकर यांच्या अध्यक्षतेखाली "काव्यपंचमी" कविसंमेलन होणार आहे.

यात मीना समुद्र, सृष्टी नाईक, अंजली आमोणकर, इंदू परब, डॉ.नीता तोरणे, प्रमोद कारापूरकर , डॉ. आरती दिनकर, नूतन दाभोळकर , अपर्णा भोबे, सुभाष शाह, दीपा मिरिंगकर, सुनीता शाह, डॉ. सुनेत्रा कळंगुटकर, आरती मोने, मेघना कुरुंदवाडकर, अपूर्वा करपे, अक्षता किनळेकर, डॉ. सारिका अडविलकर, तृप्ती बांदेकर, स्नेहा सुतार, डॉ. गीता गावस, आसावरी कुलकर्णी, प्रा.अंजली चितळे, चित्रा क्षीरसागर, स्नेहा केणी, धनश्री कुरुंदवाडकर, बबिता गावस, माधुरी उसगावकर, वर्षा प्रभुगावकर, शर्मिला प्रभू, तेजश्री प्रभुगावकर, विंदा काकोडकर, डॉ.स्वेता गावस, कविता आमोणकर, अनुया शिरोडकर, भक्ती सरदेसाई, सई भाटे, मंदा सुगीरे, गौतमी चोर्लेकर, राधिका काळे कुलकर्णी, सविता सामंत, गौरी भालचंद्र, स्नेहा जोशी, समृद्धी केळकर आदिंचा सहभाग असेल. याबाबतची माहिती मनसा क्रिएशन्सच्या अध्यक्ष कालिका बापट यांनी दिली. सूत्र निवेदन रजनी रायकर करणार आहेत.