'भाजपला मदत करण्यासाठी आप गोव्यात, पांढऱ्या टोपीचा आतून रंग आरएसएसचा'

अखिल भारतीय काँग्रेस कमिटीचे सरचिटणीस रणदीप सुरजेवाला यांनी गुरुवारी दिल्लीचे मुख्यमंत्री अरविंद केजरीवाल यांना गोव्यात “छोटा मोदी” म्हणून संबोधले आहे. अरविंद केजरीवाल हे दुसरे काही नाही तर छोटा मोदी आहेत, ते भाजपला मदत करण्यासाठी आले आहेत. असे सुरजेवाला यांनी गोवा (Goa) दौऱ्यात पत्रकार परिषदेत सांगितले.

“भाजपला (BJP) आगीपासून संरक्षण”

“मी गोवावासीयांना सांगू इच्छितो की आप खोटे बोलणारा पक्ष आहे आणि ते भाजपची बी-टीम आहेत. ते फक्त भाजपला मदत करण्यासाठी आले आहेत. तसेच आपच्या पांढऱ्या टोपीचा आतून रंग आरएसएसचा (RSS) आहे, अशा भोंदूबाबांपासून सावध राहण्याची गरज आहे,” 'आप'ने गोवावासियांना दिलेल्या विविध योजनांचा संदर्भ देत रणदीप सुरजेवाला म्हणाले, अरविंद केजरीवाल (Arvind Kejriwal) यांनी प्रथम त्यांची दिल्लीत अंमलबजावणी करावी.