तृणमूल-मगोच्या पाठिंब्यासाठी तीन योजना अंमलात आणाव्या लागतील : काकोडकर

मडगाव: सरकार स्थापन करण्यासाठी कुठल्याही पक्षाला तृणमूल-मगोची गरज हवी असल्यास त्यांनी आमच्या लोकोपयोगी तीन योजना अंमलात आणणे ही पूर्वअट असेल असे गोवा तृणमूलचे उपाध्यक्ष राजेंद्र काकोडकर यांनी म्हटले आहे.

सत्ता स्थापन करताना काही पक्ष जनतेला विसरतात मात्र तृणमूल-मगो युती हे पुढे चालू देणार नाही. आमचा पाठिंबा हवा असल्यास आमच्या लोकोपयोगी योजना त्यांना पुढे न्यायलाच पडतील असे ते म्हणाले.

गृहलक्ष्मी योजनेखाली गोव्यातील प्रत्येक महिलेला दरवर्षी 60 हजारांची मदत, युवासाठी क्रेडिट कार्ड खाली 20 लाखां पर्यंत कर्ज आणि 1974 पूर्वीचे जे गोव्यात बेघर आहेत त्याना स्वतःचे घर या योजना अमलात आणणे ही आमच्या पाठिंब्यासाठी पूर्वअट असेल असे ते म्हणाले.