Railway Mega Block: मडगाव ते कुमठा रेल्वे मार्गावर गुरुवारी तीन तास मेगा ब्लॉक

Railway Mega Block: चिपळूण ते संगमेश्र्वर रोड व मडगाव ते कुमठा या रेल्वे मार्गावर देखभालीचे काम करायचे असल्याने गुरुवार, २६ रोजी चिपळूण ते संगमेश्र्वरदरम्यान सकाळी ७.३० ते १०.३० व मडगाव ते चिपळूणदरम्यान सकाळी ११ ते दु. २ वा. मेगा ब्लॉकचे आयोजन केले आहे.

१) ट्रेन क्रमांक ०११३९ - नागपूर ते मडगाव - ही गाडी २५ रोजी सुटेल व कोलाड ते चिपळूणदरम्यान तिचे १०० मिनिटांसाठी नियमन केले जाईल. २) ट्रेन क्रमांक १२०५१ - मुंबई ते मडगाव (जन शताब्दी) जी २६ रोजी सुटेल तिचे कोलाड ते चिपळूणदरम्यान ४० मिनिटांसाठी नियमन केले जाईल.

३) ट्रेन क्रमांक १६३४६ - थिरुवनंतपुरम ते लोकमान्य टिळक टर्मिनस (नेत्रावती एक्सप्रेस) या ट्रेनचा प्रवास २५ रोजी सुरू होत आहे. या गाडीचे नियमन ४० मिनिटांसाठी रत्नागिरी ते संगमेश्र्वर रोडदरम्यान केले जाईल. ४) ट्रेन क्रमांक ०६६०२ - मंगळुरू ते मडगाव जिचा प्रवास २६ रोजी सुरू होत आहे ती कुमठापर्यंत धावेल. ५) ट्रेन क्रमांक ०६६०१ - मडगाव ते मंगळुरू जिचा प्रवास २६ रोजी सुरू होत आहे. ती कुमठाहून सुरू होईल व मडगाव ते कुमठापर्यंतचा प्रवास रद्द केला आहे.