Goa Crime News: कुंकळ्ळी येथून तीन सख्खी अल्पवयीन भावंडे काल अचानक बेपत्ता झाल्याने खळबळ माजली होती. मात्र काल रात्रीच ती कळंगुटमध्ये सापडली. या तिन्ही मुलांचा मामा साखळी येथे राहतो. ती आपल्या मामाकडे निघाली होती.
पण मामाच्या घरचा पत्ता बरोबर माहीत नसल्याने ती वाट चुकून कळंगुटमध्ये पोहोचली. सदर घटना काल शनिवारी घडली होती. कुंकळ्ळी पोलिस हरवलेल्या भावंडांचा शोध घेत होते. मात्र पूर्ण दिवस गेला तरी मुलांचा पत्ता लागला नाही. शेवटी रात्री ती सापडल्यावर त्यांना मामाच्या स्वाधीन करण्यात आले.
या मुलांचे वडील मूळ पश्चिम बंगालमधील असून ते कामगार म्हणून काम करतात. पांझरखणी येथे हे कुटुंव वास्तव्यास आहे.
या मुलांच्या वडिलांनी आपली पत्नी मरण पावल्यानंतर दुसरे लग्न केले आहे. ही मुले पहिल्या पत्नीपासूनची आहेत.
सावत्र आईच्या जाचाला कंटाळली
सावत्र आईच्या वागण्याला कंटाळून या तीन अल्पवयीन मुलांनी घर सोडले असावे असा प्राथमिक अंदाज व्यक्त करण्यात येत आहे. या तिन्ही भावंडांत १६ वर्षांची एक मोठी मुलगी असून तिच्याकडे असलेल्या मोबाईलच्या लोकेशनवरून त्यांचा ठावठिकाणा पोलिसांना मिळाला. अधिक तपास सुरू आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.