...यावरूनच कॉंग्रेसचा दुटप्पीपणा दिसून येतो: सी. टी. रवी

Goa: गोवा विधानसभा निवडणुकीच्या पार्श्वभूमीवर प्रमुख राजकीय पक्षांचे नेते गोव्यात येत आहेत. कॉंग्रेस नेत्या प्रियंका गांधी (Priyanka Gandhi) गोव्यात दाखल झाल्या असून त्यांनी माजोर्डा येथे सभा घेऊन जनतेशी संवाद साधला. यावेळी त्यांनी अनेक मुद्यांवर भाष्य केले. शिवाय विरोधी पक्ष भाजपवर सडकून टीकाही केली. यावर गोवा भाजपचे प्रभारी सी. टी. रवी (C. T. Ravi) यांनी प्रियंका गांधींवर जोरदार पलटवार केला आहे. (C. T. Ravi criticizes Priyanka Gandhi)

माध्यमांशी संपर्क साधताना ते म्हणाले की, 'गोव्यातील महिला प्रियांका गांधी यांना विचारत आहेत की, उत्तर प्रदेशच्या निवडणुकीत (Uttar Pradesh Election 2022) 40% जागा महिला उमेदवारांना दिल्या जातात आणि गोव्यात महिलांसाठी 1% जागादेखील का नाही? महिला फक्त यूपीमध्येच निवडणूक लढवू शकतात, गोव्यात नाही का? यावरून त्यांचा दुटप्पीपणा दिसून येतो'

सी. टी. रवींच्या या पलटवारावर प्रियंका गांधींची भूमिका काय असणार याकडे सर्वांचे लक्ष लागून राहिले आहे.