Water Supply: बार्देश आणि डिचोली (Bardez & Bicholim) तालुक्यात वेगवेगळ्या तीन दिवस मर्यादीत पाणी पुरवठा होणार आहे. 12, 18 आणि 28 ऑक्टोबर रोजी संपूर्ण बार्देश तालुका आणि डिचोली तालुक्यातील काही भागात मर्यादीत पाणी पुरवठा होणार आहे. त्यामुळे दोन्ही तालुक्यातील नागरिकांना पाण्याचा जपून वापर करावा लागणार आहे.
नव्याने आलेल्या ईलेक्ट्रो-मॅगनेटिक पाणी मीटरची चाचणी तसेच, मीटर बसवण्याचे काम केले जाणार आहे. पर्वरी (Porvorim) येथील 1000mm पाणी पुरवठा लाईन, म्हापसा (Mapusa) येथील 700mm आणि थिवी (Thivim) येथील 400mm पाणी पुरवठा लाईनवरती मीटर बसवण्याचे काम केले जाणार आहे. यामुळे 12, 18 आणि 28 ऑक्टोबर रोजी संपूर्ण बार्देश तालुका आणि डिचोली तालुक्यातील काही भागात मर्यादीत पाणी पुरवठा होणार आहे.
दरम्यान, 11 आणि 12 ऑक्टोबर रोजी पेडणे तालुक्यात देखील मर्यादित पाणी पुरवठा होणार आहे. विद्युत वितरण विभागाने तांत्रिक बिघाडामूळे विज पुरवठा विस्कळीत राहणार आहे. त्यामुळे पेडणे तालुक्याला मर्यादीत स्वरुपात पाणी पुरवठा होणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.