Viral Video: दबक्या पावलांनी आला... रात्रीच्या अंधारात दुचाकीच्या डिक्कीतून चोरी, नावेली येथील घटना

Navelim Theft Case CCTV Video: नावेली येथे भरस्त्यात पार्क केलेल्या दुचाकीमधून चोरी झाल्याची एक घटना समोर आली आहे. बुधवारी रात्रीच्या सुमारास ही घटना घडली. या घटनेचे सीसीटीव्ही फुटेज समोर आले असून, चोरटा दुचाकीच्या डिक्कीतून साहित्य चोरी करताना दिसत आहे.

सीसीटीव्ही फुटेज आले समोर

नावेली येथील कोलमोरोड इमारतीजवळ चारचाकी आणि दुचाकी वाहने पार्क केली आहेत. त्यातीलच एका दुचाकीमधून चोरटा चोरी करताना दिसत आहे. रात्रीच्या अंधाराचा फायदा घेत चोरटा दुचाकीजवळ येतो आणि साहित्य चोरी करत असल्याचे सीसीटीव्हीमधून समोर आलेल्या व्हिडिओत दिसत आहे.

चोरट्याने किती रक्कम अथवा इतर कशाची चोरी केली याबाबत काही माहिती समोर आलेली नाही.