Goa Tourist Attack: गोवा हे देशी-विदेशी पर्यटकांचे आवडते पर्यटन स्थळ आहे. मात्र सध्या गोव्यातील पर्यटकांच्या बाबतीत घडणाऱ्या गुन्हेगारी घटनांमुळे देशभरात राज्याचे नाव खराब होत आहे. मागील काही दिवसांमध्ये अशा अनेक घडल्या होत्या. यातच पुन्हा एकदा अशी एक घटना घडली आहे.
माहितीनुसार, हरमल पेडणे येथील एका हॉटेलमधील गुजरातवरून आलेला एक पर्यटक वास्तव्यास होता. यावेळी अज्ञात चोरट्यांनी खोलीत घुसून पर्यटकाच्या सामानाची चोरी केल्याची घटना समोर आली आहे. यामध्ये तब्बल अडीच लाखांच्या वस्तू चोरल्याचे सांगण्यात येत आहे.
पर्यटकांवर हल्ला, पर्यटकांच्या सामानाची चोरी अशा घटना वाढल्यामुळे सरकारची डोकेदुखी वाढली आहे. या घटनेचा पोलीस पुढील तपास करत आहेत.
दरम्यान, मोरजी येथील इन ग्रँड या हॉटेलमध्ये वास्तव्यास असलेल्या पर्यटक रशियन महिलेला दोन कामगारांनी मारहाण केल्याची तक्रार 24 रोजी पेडणे पोलिस स्थानकात नोंद केली.
महिलेच्या तक्रारीनुसार, या हॉटेलमधील कामगार अविनाश गोरिया (वय 29, रा. बदलापूर) आणि मोहम्मद फैजल खान (वय 26, रा. झारखंड) या दोघांवर पेडणे पोलिसांनी गुन्हा नोंद करून त्यांना अटक केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
