Margao Municipality: मडगाव पालिकेतील 50 हजारांच्‍या चोरीचा अजूनही लागेना मागमूस!

Margao Municipality: काही महिन्यांपूर्वी मडगाव नगरपालिकेत 50 हजार रुपयांची चोरी झाली होती. अजूनही या चोरीचा तपास लागलेला नाही.

या चोरीचा तपास मुख्याधिकारी गौरीश शंखवाळकर यांनी करावा, अशी मागणी करण्यात येत आहे.

50 हजार ही काही लहान रक्कम नाही. अजूनही या चोरीचा तपास लागत नाही याला काय म्‍हणावे? ही चोरी केवळ कर्मचाऱ्यांच्‍या निष्काळजीपणामुळे झाली आहे, असा आरोप नागरिकांनी केला आहे.

दोन महिन्यांपूर्वी पालिकेतील संबंधित कर्मचारी वॉशरुममध्ये गेलेला असताना टेबलाच्या खुल्या खणात असलेली ही रक्कम पळविण्यात आली होती.

दरम्‍यान, कौन्सिलच्या बैठकीत हा विषय उपस्थित झाला होता व नगराध्यक्ष दामोदर शिरोडकर यांनी सांगितले होते की पोलिस तपास सुरू आहे.

ही रक्कम त्या कर्मचाऱ्याकडून वसूल करून घ्यावी असा मुद्दा बैठकीत मांडला होता. याबाबत मुख्याधिकाऱ्याचे मत आहे की नागरीकांची मागणी रास्त आहे. आम्ही या चोरीचा तपास करू.