Bicholim Temple Theft: डिचोलीत चोरट्यांचा धुमाकूळ, 4 दिवसांत दोन मंदिरांमध्ये चोरीच्या घटना

डिचोलीमध्ये सध्या चोरांची टोळी सक्रिय झाली आहे.
Bicholim Temple Theft
Bicholim Temple TheftDainik Gomantak

Bicholim Temple Theft: डिचोलीमध्ये सध्या चोरांची टोळी सक्रिय झाली आहे. मागील चार दिवसात डिचोलीमध्ये दोन मंदिरांमध्ये चोरीच्या घटना घडल्या आहेत. यामध्ये चोरांनी मंदिरात असलेली दानपेटी फोडून त्यातील रक्कम लंपास केली आहे. कासारपालमध्येही अशीच घटना घडली आहे.

Bicholim Temple Theft
Bicholim: लाडफे गावातील मंदीरातून चोरट्यांनी फंडपेटी पळवली, दहा हजारांची रक्कम चोरी

माहितीनुसार, कासारपाल येथील श्री सातेरी भूमिका मंदिरात चोरट्यांनी फंडपेटी फोडली. यामधून सुमारे 12 हजार रुपये चोरट्यांनी लंपास केले. ही घटना मंगळवारी मध्यरात्री घडली.

याबद्दल पोलिस अधिक तपास करत आहेत. दरम्यान, या मागील चार दिवसात दोन चोरीच्या घटना घडल्या आहेत. डिचोली, लाडफे गावातील मंदीरातही चोरी झाली आहे. मंदीराचा टाळा तोडून चोरट्यांनी तिथली फंडपेटी चोरी केली.

मंदिराचे मुख्य दार तोडून चोरट्यांनी देवळातील फंडपेटी पळवली. फंडपेटी बाहेर घेऊन देवळापासून काही अंतरावर ती फोडली आणि त्यातून दहा हजार रूपये चोरी झाल्याची माहिती समोर आली आहे.

दरम्यान, चोरट्यांनी फंडपेटी तेथेच सोडून घटनास्थळावरून पळ काढला. या दोन्ही घटनांमुळे डिचोलीमध्ये चोरांची टोळी सक्रिय झाली असल्याचे म्हटले जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com