Pirna Temple Theft: राज्यात मंदिरांमद्धे चोरी होण्याच्या घटना बऱ्याच प्रमाणात वाढल्या आहेत. बार्देशमधील पिर्णा येथील मंदिरांमध्ये चोरी झाल्याची बातमी समोर आली आहे. यामध्ये आरोपींचा शोध घेण्यासाठी पोलीस यंत्रणा कामाला लागली आहे.
माहितीनुसार, पिर्णा, बार्देश येथील तीन मंदिरांमध्ये चोरी झाल्याची घटना मंगळवारी सकाळी उघडकीस आली. संशयितांनी या मंदिरांचे मुख्य दरवाज्याचे कुलूप तोडून आतमध्ये प्रवेश केला व फंडपेटीमधील रोख रुपये लंपास केले.
आज (1 ऑगस्ट) सकाळी मंदिरांच्या पुजार्‍यांना हा चोरींचा प्रकार समजला. चोरट्यांनी पिर्णामधील श्री केळंबिका मंदिर, श्री विठ्ठल मंदिर आणि श्री पांडुरंग मंदिरांना लक्ष्य केले. यावेळी अज्ञात चोरट्यांनी केळंबिका मंदिरातील फंडपेटीतून अंदाजे 5 हजार रोख तर उर्वरित दोन्ही मंदिरातून प्रत्येकी दोन हजार रुपये रोख लंपास केले.
या मंदिरांपैकी केळंबिका मंदिरात सीसीटीव्ही कॅमेरे असून, पोलिस या सीसीटीव्हीच्या फुटेजद्वारे चोरीप्रकरणाचा तपास करण्याचा प्रयत्न करीत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
