Engineering Student: अभियांत्रिकी आणि तंत्रज्ञानाच्या क्षेत्रात दिलेल्या असामान्य योगदानाबद्दल गोव्यातील युवा अभियंते अमेय पोरोब धारवाडकर यांना इंस्टिट्यूट ऑफ इंजिनिअरिंग अँड टेक्नॉलॉजीचा प्रतिष्ठेचा ‘द यूथ इंजिनिअरिंग आयकॉन अॅवॉर्ड 2023’ देण्यात आला आहे. बार्देश तालुक्यातील अस्नोडा गावचे अमेय हे नीता आणि दिवंगत डॉ. अजित धारवाडकर यांचे सुपुत्र आहेत.
अमेय हे अमेरीकेच्या ‘मेटा’ कंपनीमध्ये मशीन लर्निंग अभियांत्रिकी व्यवस्थापक आहेत. ते सध्या फेसबुक व्हिडिओ शिफारसी रँकिंग टीमचे नेतृत्व करतात. गेल्या नऊ वर्षांत, वैयक्तिकरण मॉडेल तयार करण्यात आणि सुधारण्यात त्यांच्या योगदानाने फेसबुकच्या वापरकर्त्यांची वाढ झाली आहे.
फेसबुक वॉच आणि रील्सना जगातील सर्वात मोठ्या व्हिडीओ शिफारस सिस्टीममध्ये नेण्यात त्यांचे कौशल्य मोलाचे ठरले आहे. त्यामुळेच आज फेसबुकच्या मासिक वापरासाठी दररोज दोन अब्जाहून अधिक वापरकर्ते आकर्षित होत आहेत.
विशेष म्हणजे, न्यूज फीड आणि ॲड्स मशीन लर्निंगमध्ये त्यांच्या बहुमोल योगदानामुळे ‘मेटा’ व ‘फेसबुक’ची वापरकर्ता प्रतिबद्धता आणि महसूल लक्षणीयरीत्या वाढला आहे. अमेयच्या योगदानाची समृद्धता विपुल संशोधनाने अधोरेखित केली आहे.
अमेयला शिक्षणाचे बाळकडू गोव्यातून
भारतातील तिरुचिरापल्ली येथील नॅशनल इन्स्टिट्यूट ऑफ टेक्नॉलॉजीचे पदवीधर आणि अमेरिकेतील न्यूयॉर्क शहरातील कोलंबिया विद्यापीठाचे माजी विद्यार्थी असलेल्या, अमेयचा तंत्रज्ञान जगतातील कारकिर्दीचा प्रवास भारतातील सर्वात लहान राज्य गोव्यातून झाला. गोव्यातच त्याने शिक्षणाचे बाळकडू घेतले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
