Goa News: ‘लैंगिक अत्याचाराविरोधातील लढा’ या विषयावर सर्वोच्च न्यायालयाने तयार केलेल्या पुस्तिकेत असलेल्या ‘सेक्स वर्कर’ या शब्दाला गोव्यातील ‘अर्ज’ या संघटनेसह देशातील मानव तस्करी प्रकरणात काम करणाऱ्या अनेक ‘एनजीओ’नी हरकत घेतल्यानंतर त्यांच्या हरकतीची दखल घेत सर्वोच्च न्यायालयाने आपल्या पुस्तिकेतून शेवटी हा शब्द वगळला.
सर्वोच्च न्यायालयाचे सहाय्यक रजिस्ट्रार अनुराग भास्कर यांनी या संघटनांना पाठविलेल्या ई-मेलमध्ये त्यांनी घेतलेल्या हरकतीची सरन्यायाधीशांनी दखल घेतली असून या पुस्तिकेतून ‘सेक्स वर्कर’ हा शब्द काढून त्या जागी ‘तस्करी पीडित’ हा शब्द वापरण्यात येईल. तर ‘वेश्या व्यावसायिक महिला’ या शब्दाऐवजी ‘वेश्या व्यवसाय लादलेल्या महिला’ या शब्दांचा वापर केला जाईल, असे म्हटले आहे.
सर्वोच्च न्यायालयाने ऑगस्ट 2023 मध्ये जी पुस्तिका प्रकाशित केली होती. त्यातील उपरोक्त दोन शब्दांना ‘एनजीओ’नी हरकत घेऊन सरन्यायाधीश चंद्रचूड यांना पत्र पाठवले. या महिलांची तस्करी करून त्यांना वेश्या व्यवसायात आणले जाते. त्यामुळे एकाअर्थी त्या तस्करी पीडित महिला आहेत. त्यामुळे त्यांचा उल्लेख ‘सेक्स वर्कर’ असा करणे योग्य नव्हे, असे पत्रात लिहिले होते.
-अरुण पांडे,‘अर्ज’चे संस्थापक
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
