Vat Purnima 2023: मानकुरादचा भाव वधारला; पूजेचे साहित्यही महागले

Vat Purnima वटपौर्णिमा सणानिमित्त फळांना मोठी मागणी असते. फळांची टोपली करून ती सुवासिनींना भेट दिली जाते. त्यामुळे शुक्रवारी पणजी मार्केटमध्ये फळे खरेदीसाठी झुंबड उडाली होती.

मात्र, 15 दिवसांपूर्वी 800 रुपये डझन मिळणाऱ्या मानकुराद आंब्याचे दर चांगलेच वधारले. चांगल्या आकाराचा मानकुराद शुक्रवारी 1,500 रुपये डझन या दराने विकला जात होता. इतर फळेही महागल्याने सुवासिनींना यंदा महागाईची झळ सोसावी लागली.

वटपौणिमेमुळे मानकुरादच्या दरात वाढ झाली. मागणीच वाढल्याने दर वाढविल्याचे पणजी बाजारातील एका विक्रेत्याने सांगितले. मानकुरादसह हापूस, केसरी, शेंदुरी, मालदेस व इतर आंब्यांचे दर चढेच होते.

वटपौर्णिमा सणानिमित्त फळांना मोठी मागणी असते. फळांची टोपली करून ती सुवासिनींना भेट दिली जाते. त्यामुळे शुक्रवारी पणजी मार्केटमध्ये फळे खरेदीसाठी झुंबड उडाली होती. मात्र, १५ दिवसांपूर्वी ८०० रुपये डझन मिळणाऱ्या मानकुराद आंब्याचे दर चांगलेच वधारले.

चांगल्या आकाराचा मानकुराद शुक्रवारी १,५०० रुपये डझन या दराने विकला जात होता. इतर फळेही महागल्याने सुवासिनींना यंदा महागाईची झळ सोसावी लागली.

वटपौणिमेमुळे मानकुरादच्या दरात वाढ झाली. मागणीच वाढल्याने दर वाढविल्याचे पणजी बाजारातील एका विक्रेत्याने सांगितले. मानकुरादसह हापूस, केसरी, शेंदुरी, मालदेस व इतर आंब्यांचे दर चढेच होते.

डिचोलीत फणस, अननस दाखल

वटपाैर्णिमेच्या पूर्वसंध्येला डिचोली बाजारात रसाळ फणस 100 ते 150 रुपये नग, तर कापा फणस आकाराप्रमाणे 200 ते 350 रुपये नग या दराने विकले जात होते.

वडाची फांदी 20 रुपयांना एक, तर वडाची पानेही बाजारात दाखल झाली आहेत. आकाराप्रमाणे 50 ते 100 रुपये एक नग असे अननसांचे दर आहेत. यंदा बाजारात दोऱ्याचे बंडल 50 रुपये व इतर पूजेचे साहित्यही बरेच महागले होते.

पंधरा दिवसांत दुप्पट वाढ

20 मे दरम्यान पणजी बाजारात 800 रुपये प्रतिडझन या दराने मानकुराद आंब्यांची विक्री केली जात होती. तसेच इतर आंबे 600 ते 700 रुपये प्रतिडझन दराने विकले जात होते. शुक्रवारी अचानक दीड हजार रुपये दराने मानकुराद विकला जात असल्याने ग्राहकांच्या खिशाला चाट लागली.