AAP: वाळपईत 'आप'चे बळ; संतोष गावकरांचा समर्थकांसह आपमध्ये प्रवेश

गुळेली (प्रेमानंद नाईक) : आम आदमी पक्षाचे नेते आणि वाळपई मतदार संघाचे उमेदवार सत्यविजय नाईक यांनी सध्या मतदार संघात घरोघरी भेटी देण्यात भर दिला आहे.

काल वाळपई (Valpoi) येथे झालेल्या एका कार्यक्रमात भारतीय जनता पार्टी (BJP) सिरसोडे खोतोडा बुथ अध्यक्ष संतोष गावकर (Santosh Gavkar) यांनी आपल्या समर्थकासमवेत 'आम आदमी पार्टी'त प्रवेश (AAP) केला. एकूण पार्टीची ध्येयधोरणे आणि योजना यामुळे आपण प्रभावीत झालो आहे, त्याचबरोबर स्थानिक नेते सत्यविजय नाईक हे सर्वांना बरोबर घेऊन जाणारे नेतृत्व आहे त्यामुळे आपण या पक्षात प्रवेश केल्याचे यावेळी गावकर यांनी सांगितले.

यावेळी बोलताना सत्यविजय नाईक म्हणाले की अजून अनेक जण पक्षात यायला तयार आहेत. आणि याची प्रचिती या दिवसात येणार आहे. सत्तरीतील जनता एकाधिकारशाहीला कंटाळली आहे, हे यावरून सिद्ध होते.