Land Scam In Goa: बनावट कागदपत्रे तयार करून बेलॉय-नुवे येथील सुमारे 19 हजार चौरस मीटर जमीन नागवाडो-बेताळभाटी येथील डिसोझा दाम्पत्याने विक्री करत 2.20 कोटींना सौदा केला. याप्रकरणी फसवणूक झाल्याचे लक्षात येताच जीत जैन यांनी तक्रार पोलिसांत दाखल केली आहे.
त्यानुसार मायणा-कुडतरी पोलिसांनी आग्नेल आणि मॅकलिन डिसोझा यांच्याविरोधात गुन्हा नोंद केला आहे.
बनावट कागदपत्रांद्वारे जमीन विक्रीचा हा व्यवहार 2017 साली झाला होता. नागवाडो-बेताळभाटी येथील आग्नेल आणि मॅकलिन डिसोझा या दाम्पत्याने बनावट कागदपत्रे तयार करून बेलॉय-नुवे येथील 19,250 चौरस मीटर जागा जीत जैन यांना 17 जुलै 2रोजी विकली.
त्यासाठी प्रारंभीची रक्कम म्हणून 2 कोटी 20 लाख रुपये जैन यांनी डिसोझा यांना अदा केले. त्यानंतर पुढील प्रक्रिया करण्यात डिसोझा यांनी चालढकल केली.
याबाबत संशय आल्याने जैन यांनी जमिनीसंदर्भात चौकशी केली असता, विक्री केलेल्या जमिनीचा मूळ मालक पोर्तुगीजमधील असून त्याने ही जमीन दुसऱ्याच व्यक्तीला विकल्याचे निदर्शनास आले. फसवणूक झाल्याचे दिसून येताच जैन यांनी मायणा-कुडतरी पोलिसांत तक्रार दिली. हे प्रकरण एसआयटीकडे देण्यात येणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
