Goa Corona Update: गेल्या काही दिवसांत राज्यातील कोरोनाबाधितांच्या रूग्णसंख्येत वेगाने वाढ होत चालली आहे. गेल्या 24 तासांमध्ये एकूण 32 नवीन कोरोना रूग्ण आढळून आले आहेत. यापैकी 3 रूग्णांना रूग्णालयात दाखल करण्यात आले आहे तर उर्वरीत बाधितांना होम आयसोलेशनमध्ये ठेवण्यात आले आहे.
नव्याने भर पडलेल्या रूग्णसंख्येने राज्यातील सक्रिय कोरोना रूग्णांची संख्या आता २२७ वर पोहचली आहे. दिवसेंदिवस रूग्णसंख्येत वेगाने वाढ होत असल्याने राज्यात कोरोनाची धास्ती वाढू लागली आहे.
दरम्यान, गेल्या 24 तासांमध्ये एकूण 337 चाचण्या करण्यात आल्या. तर एकूण 17 रूग्ण कोरोनामुक्त झाले. राज्यात गेल्या 24 तासात कोरोनामुळे एकही मृत्यू झालेला नाही. तर कोरोनामुक्तीचा दर 98.37 टक्के इतका झाला.
राज्यात आत्तापर्यंत 21 लाख 58 हजार 271 चाचण्या झाल्या आहेत. तर एकूण 2 लाख 59 हजार 52 रूग्ण आढळून आले होते. त्यापैकी 2 लाख 55 हजार 281 रूग्ण बरे झाले. राज्यात आत्तापर्यंत कोरोनामुळे 4013 मृत्यू झाले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
