Goa Tourism: गोव्यातील 'या' समुद्रकिनारी जाणवतोय प्राथमिक सुविधांचा अभाव, पर्यटकांमधून नाराजी व्यक्त...

Goa Tourism सध्या गोव्यात पर्यटन हंगाम सुरु असून देश-विदेशातल्या पर्यटकांची पाऊलं गोव्याकडे वळू लागली आहेत. गोवा सरकार देखील राज्यातील पर्यटन व्यवसाय बहरावा, त्याला चालना मिळावी यासाठी नवनवीन धोरणं राबवत आहे.

असं असलं तरी राजधानी पणजी नजीकच्या मिरामार समुद्र किनाऱ्यावर येणाऱ्या पर्यटकांना आवश्यक त्या सोयी सुविधा मिळत नसल्याचे समोर आलंय.

मिरामार समुद्र किनारी मोबाईल शौचालये, दिवे, पिण्याच्या पाण्याची व्यवस्था अशा प्राथमिक सुविधा नसल्याने येणाऱ्या पर्यटकांची गैरसोय होतेय.

समुद्रस्नानाचा आनंद घेण्यासाठी येणाऱ्या पर्यटकांना चेंजिंग रूम नसल्याने त्यांचा हिरमोड होतोय. तसेच रात्रीच्या वेळी मिरामार समुद्र किनाऱ्यावरील हायमास्ट बंद असलेले पर्यटकांनी सांगितलं आहे.

गोवा सरकार एकीकडे राज्यातील पर्यटन स्थळांचा विकास करण्यासाठी प्रयत्नशील असताना मिरामारसारख्या समुद्र किनाऱ्यावर अद्याप प्राथमिक सुविधांचा अभाव असल्याने पर्यटकांमधून नाराजी व्यक्त करण्यात येतेय.