Goa Crime News: गॅस गळतीनंतर झालेल्‍या स्‍फाेटात वास्‍को येथे मरण पावलेल्‍या शिवानी राजवत हिच्‍या मृत्‍युप्रकरणी मुरगावचे उपजिल्‍हाधिकारी भगवंत करमली यांनी सुरू केलेली चौकशी पूर्ण झाली असून एक-दोन दिवसांत ते पोलिसांना अहवाल सादर करणार आहेत. हा मृत्‍यू अपघात की घातपात, हे या अहवालानंतरच स्‍पष्‍ट होणार आहे.
18 नोव्‍हेंबर रोजी नवेवाडे-वास्‍को येथे ही दुर्घटना घडली होती. त्‍यात शिवानीबरोबरच तिची आई जयदेवी सिंग यांचाही मृत्‍यू झाला होता. हा मृत्‍यू अपघाती नसून हुंड्यासाठी शिवानीचा पती अनुराग याने मुद्दाम घडवून आणलेला घातपात आहे, असा आरोप शिवानीचा भाऊ शुभम सिंग याने केला होता. हा मृत्‍यू लग्‍न होऊन सात वर्षांच्‍या आत झाल्‍याने उपजिल्‍हाधिकाऱ्यांमार्फत त्याची चौकशी केली जात होती.
मिळालेल्‍या माहितीनुसार, उपजिल्‍हाधिकारी करमली यांनी एकूण पाचजणांच्‍या जबान्‍या नोंद केल्‍या असून त्‍यात शिवानीचा भाऊ शुभम सिंग, पती अनुराग, सासू यांच्‍यासह त्‍यांच्‍या दोन शेजाऱ्यांचा त्‍यात समावेश आहे. शिवाय अग्निशमन दल आणि पोलिसांनी केलेल्‍या तपासाचा अहवाल ही चौकशी करताना विचारात घेतला होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
