Income Tax: करबुडव्या कंपन्या आयकरच्या रडारवर; दोनापावला, वेर्णा, करंझाळेतील कंपन्यांवर छापेमारी

Income Tax: पर्यटनस्थळ असलेल्या गोव्यात कोट्यवधीचे व्यवहार करणारे कर चुकवेगिरी करत असल्याने गेल्या काही दिवसांपासून आयकर खात्याने छापेमारी सुरू केली आहे.

वेडिंग डेस्टीनेशन व इव्हेंट मॅनेजमेंट कंपन्याच्या नावाखाली उलाढाली केलेल्या कार्यालयांतून कोट्यवधीची रोख रक्कम तसेच बेहिशेबी मालमत्ता आयकर खात्याने ताब्यात घेतली आहे. आणखीही काही कंपन्या त्यांच्या रडारवर आहेत.

आतापर्यंत आयकर खात्याने केलेल्या कारवाईत तीन कंपन्यांवरील छाप्यांचे काम झाले आहे अन्य कंपन्यांवरील छापे व छाननी सुरू आहे.

आयकर पथकांनी दोनापावला, वेर्णा, वार्का, थिवी, दिवाडी तसेच करंझाळेत काही कंपन्यांच्या कार्यालयावर तसेच संबंधित अधिकाऱ्यांच्या घरीही शोधमोहीम केली.

थिवीतील एका फार्मास्युटिकल्स व बाणावलीतील एका आस्थापनांमधून ८ कोटींहून अधिक रोकड ताब्यात घेतली आहे.